ទើបតែចូលសិល្បៈសោះ ល្បីដល់ថ្នាក់នឹងទៅហើយ!

ពិតជាគួរអោយសរសើរមែន ធ្លាប់តែបង្ហាញមុខតិចតួចក្នុងការថតស្ពតពាណិជ្ជកម្មផ្សេងៗ Vj Hana បានហោះទៅកាន់ឌុយបៃ នៅថ្ងៃទី​៥ ខែកញ្ញា ឆ្នាំ​២០១៧ នេះ ដើម្បីត្រៀមថតស្ពត​ពាណិជ្ជកម្មមួយ ។​

Vj Hana ថាសម្រាប់ការថតស្ពតផលិតផលនេះ(សុំលាក់ឈ្មោះផលិតផល) នាងបានចរចារជាមួយខាងផលិតផល យូរដែរ ទម្រាំត្រូវគ្នា រហូតឈានដល់ការថតស្ពតនៅលើទឹកដីប្រទេសអ្នកមាន ដែលមនុស្សគ្រប់គ្នាចង់ទៅដល់ ។​ កញ្ញាថា សំបុត្រ យន្តហោះ គេបានទម្លាក់មករួចរាល់ហើយ ដោយឡើង​ទៅកាន់ឌុយបៃ ​១ខែទើបមកវិញ ។​

តារាដែលមានស្រុកកំណើតក្នុងខេត្តក្រចេះនេះ បានបន្តទៀតថា មួយរយៈនេះ ការងារ​នាង​កាន់តែរវល់ ដោយក្នុងប្រទេស នាងតែងតែបង្ហាញវត្តមានក្នុងកម្មវិធីតាមខេត្តជាច្រើន ដែលមិនអាចដកឃ្លាបាន ។ កញ្ញា​បានអះអាងបន្តថា ទោះបីរវល់យ៉ាងណា ចូលការងារកាន់តែច្រើននាងកាន់តែសប្បាយរីករាយនឹងធ្វើ ទោះបីជាតួអ្វីក៏ដោយ ៕​