ហេតុតែស្រលាញ់ គ្រាន់តែតុក្កតា ដែលអ្នកគាំទ្រជូនទៅតារាស្រីទាំងនេះ ឡើងគរដូចជាភ្នំទៅហើយ!

ភ្នំពេញ៖ ជាទូទៅតារានៅក្នុងសង្គមសិល្បៈ តែងតែទទួលបាននូវការស្រលាញ់រាប់អានពីសំណាក់អ្នកគាំទ្ររបស់ខ្លួនជាច្រើន។ ហើយនៅពេលចេញទៅតាមកម្មវិធីប្រគំតន្រ្តីតូចធំនានាពួកគេក៏តែងតែទទួលនូវកាដូ ពីបណ្តាអ្នកគាំទ្រទាំងនោះ ដូចជា បាច់ផ្កា តុក្កតា និងរបស់វត្ថុអនុស្សាវរីយ៍ផ្សេងៗជាច្រើនទៀតផងដែរ។

ជាក់ស្តែងកំពូលតារាចម្រៀង និងតារាសម្តែងស្រីប៉ុន្មានដួងនេះ សុទ្ធសឹងតែបានទទួលកាដូដូចជាតុក្កតាស្រស់ស្អាតជាច្រើន ពីអ្នកគាំទ្ររបស់ខ្លួន ពេលចេញតាមកម្មវិធីនានាប្រគំតន្ត្រីម្តងៗ។

ឃើញហើយទើបដឹងថា តុក្កតាដែលអ្នកគាំទ្រ បានជូនទៅដល់តារានៅក្នុងដួងចិត្តរបស់ពួកគេទាំងនោះ គឺពិតជាស្អាតៗខ្លាំងណាស់។ ក្នុងនោះដែរយើងឃើញមានតុក្កតាទាំងតូចទាំងធំ ព្រមទាំងមានម៉ូតខុសៗគ្នាយ៉ាងចម្រុះ គរជាគំនរដូចភ្នំ ស្ទើរតែអាចបើកជាហាងលក់តុក្កតាមួយបានទៅហើយ។

ចង់ដឹងថា តើតារាស្រីរូបណាខ្លះដែលបានទទួលតុក្កតាយ៉ាងច្រើនពីសំណាក់អ្នកគាំទ្រនោះ យើងមកតាមដានជាមួយខ្មែរឡូតទាំងអស់គ្នា៖

១) កំពូលតារាចម្រៀង ឱក សុគន្ធកញ្ញា៖ តែងទទួលបាននូវតុក្កតា ស្អាតៗជាច្រើនពីអ្នកគាំទ្រពេលឡើងច្រៀងតាមឆាកប្រគំតន្រ្តី។ តុក្កតារបស់តារាស្រីរូបនេះទុកក្នុងបន្ទប់មួយដាច់តែឯង ហើយទុកជាវត្ថុអនុស្សាវរីយ៍របស់អ្នកគាំទ្រ ដែលមានចិត្តស្រលាញ់មកលើខ្លួន។ តុក្កតាទាំងនោះពិតជាស្អាត និងមានជាច្រើនម៉ូតមែនទែន។

ប្រភព៖ ខ្មែរឡូត

២) តារាចម្រៀង និងតារាសម្តែងកញ្ញា គៀត សុវណ្ណាឡាង៖ តារាស្រីរូបនេះក៏ទទួលបានតុក្កតា និងបាច់ផ្កាយ៉ាងច្រើនពីអ្នកគាំទ្ររបស់ខ្លួនផងដែរ គឺច្រើនរហូតដល់ថ្នាក់អាចបើកជាហាងលក់បាន។

៣) តារាចម្រៀងកញ្ញា សុគន្ធ និសា៖ ជាតារាស្រីដែលមានប្រជាប្រិយភាពយ៉ាងខ្លាំងក្នុងចិត្តទស្សនិកជន ដូច្នេះនាងត្រូវបានអ្នកគាំទ្រស្រលាញ់ចូលចិត្ត ហើយជូនកាដូជាតុក្កតាជាច្រើន ជាពិសេសគឺតុក្កតាធំៗតែម្តង។

៤) តារាចម្រៀង កញ្ញា សុខ ពិសី៖ កញ្ញាមានការស្រលាញ់រាប់អានជាច្រើនពីបណ្តាអ្នកគាំទ្រ ជាពិសេសគឺពួកគេទាំងនោះបានហៅកញ្ញា សុខ ពិសី ថាជាម៉ាក់ៗពេញមាត់ និងបានជូនជាតុក្កតាស្រស់ស្អាតជាច្រើន ជាវត្ថុអនុស្សាវរីយ៍ដល់នាងផងដែរ។

៥) តារាចម្រៀងវ័យក្មេងកញ្ញា រ៉េត ស៊ូហ្សាណា៖ ថ្វីត្បិតតែទើបតែចូលប្រឡូកនៅក្នុងវិស័យសិល្បៈចម្រៀងបានរយៈពេលខ្លីក៏ពិតមែន ប៉ុន្តែកញ្ញាក៏ទទួលបាននូវប្រជាប្រិយភាពយ៉ាងខ្លាំង ហើយតែងតែមានអ្នកគាំត្រជូនតុក្កតាធំៗ និងស្អាតៗឱ្យមិនសូវដាច់នោះទេ៕