ពិតជាមិនធម្មតា! វណ្ណ វល័ក្ខ ក្តាប់​បាន​ឱកាស​ថត​សម្ដែង ៥រឿង ក្នុង​ពេល​តែមួយ

(ភ្នំពេញ៖) ជារឿងដ៏គួរឲ្យស្ញើចសរសើរ សម្រាប់តារាសម្តែងស្រី កញ្ញា វណ្ណ វល័ក្ខ ខណៈដែលទីផ្សាសម្តែងរបស់នាង ហាក់កំពុងទទួលផ្លែផ្កាយ៉ាងក្រាស់ក្រែល ដែលជាឱកាសដ៏កម្រមួយ ចំពោះតារាស្រីឯទៀត ដោយហេតុថាអំឡុងពេលបច្ចុប្បន្ន នាងអាចប្រជែងបានទីផ្សារថតសម្តែងខ្សែភាពយន្ត បានរហូតដល់ទៅ ៥រឿង ក្នុងពេលតែមួយ។

ថ្លែងប្រាប់ឲ្យដឹងនារសៀលថ្ងៃទី៣០ ខែមិថុនា ឆ្នាំ២០១៧នេះ តារាសម្តែងស្រីសម្បូរសាច់ដើមទ្រូងទ្រលុកទ្រលុន គួរឲ្យគ្រឺតខ្លាញ់ កញ្ញា វណ្ណ វល័ក្ខ បាននិយាយថា ទីផ្សាសម្តែងភាពយន្តរបស់នាងបច្ចុប្បន្ន គឺមានការមមាញឹកច្រើន ព្រោះឱកាសនៃការថតសម្តែងរបស់ខ្លួន មានរហូតដល់ទៅ ៥រឿងឯណ្ណោះ ដែលហេតុផលនេះធ្វើឲ្យនាង ពុំសូវមានពេលទំនេរសម្រាប់ខ្លួនច្រើន ដូចពេលរាល់ដង។

កញ្ញា វណ្ណ វល័ក្ខ បានបញ្ជាក់ទៀតថា ចំពោះផលិតកម្ម និងស្ថានីយ៍ទូរទស្សន៍ ដែលខ្ញុំកំពុងមានវត្តមានថតឲ្យទាំង៥ នោះរួមមាន ផលិតកម្មមហាហងស្ស (រឿងសង្គ្រាមមរតក), ផលិតកម្ម Admusic (រឿងកំហឹងអ្នកស្រុក), ទូរទស្សន៍ហង្សមាស (រឿងកូនពស់កេងកង), ផលិតកម្ម LD (រឿងកូនប្រសាឡឺកឺ) និងទូរទស្សន៍ CTN (រឿងខ្សែកពេជ្រ) ជាដើម។

ជាមួយគ្នានេះកញ្ញា វណ្ណ វល័ក្ខ បានបន្ថែមថា ក្រៅពីរវល់នឹងការថតសម្តែងខ្សែភាពយន្តទាំង ៥រឿងខាងលើនេះ បច្ចប្បន្នក៏នៅមានផលិតកម្មមួយចំនួនទៀត បានធ្វើការទំនាក់ទំងហៅនាង ចូលសម្តែងផងដែរ។ ប៉ុន្តែដោយសារវល់រកពេលទំនេរគ្មាន ទើបខ្លួនមិនទាន់ហ៊ានយល់ព្រម ឆ្លើយទទួលយកនៅឡើយទេ៕

ប្រភព៖ ខ្មែរឡូត