ចង់ដឹងថា ទឹកអំពៅ មានអត្ថប្រយោជន៍ សម្រាប់សុខភាពយ៉ាងណាទេ?

ទឹកអំពៅមិនត្រឹមតែមាន ជាតិផ្អែមពីធម្មជាតិនោះទេ វាថែមទាំងជាភេសជ្ជៈ មួយប្រភេទដែល ផ្តល់ផលប្រយោជន៍ ដល់សុខភាពបានល្អជាងគេផងដែរ។

អំពៅ គឺជាដំណាំ កសិកម្មមួយប្រភេទ ដែលមានអាយុកាលយូរលុង ណាស់មកហើយ ពោលគឺមានដើមកំណើតនៅ New Guinea ដែលជាកោះធំជាងគេទី២ លើពិភពលោក តាំងពី ១០,០០០ឆ្នាំមុនមកម៉្លេះ។ ជាមួយគ្នានេះ អំពៅត្រូវបានគេយកទៅដាំ នៅជុំវិញពិភពលោក និងមានទ្រុងទ្រាយធំជាងគេ នៅប្រទេសឥណ្ឌា។

ជាការពិតណាស់ ប្រជាជនដែលរស់នៅ តំបន់ត្រូពិច ពិតជាជៀសមិនផុតពី ការទទួលរងនូវកំដៅ នៅពេលដែលពួកគេចេញទៅក្រៅនោះទេ ហើយការទទួលរងកំដៅនេះ ជាហេតុនាំអោយ ជាតិទឹកនៅក្នុងខ្លួនរបស់ពួកគេ បាត់បង់យ៉ាងឆាប់រហ័ស។ ដើម្បីបំពេញបន្ថែមនូវ ជាតិទឹកទាំងនោះវិញ ទឹកអំពៅគឺជាជំរើសដ៏ល្អបំផុត ព្រោះវាបានផ្ទុកទៅដោយ សារជាតិចិញ្ចឹមជាច្រើនប្រភេទ។

សារធាតុចិញ្ចឹម ដែល​មាន​នៅក្នុង​អំពៅ (២៨,៣៥ ក្រាម​) មាន ៖

-​ ​ថាមពល ១១១,១៣ kJ (២៦,៥៦ kcal)

-​ ​កាបូ​អ៊ី​ដ្រាត ២៧,៥១ ក្រាម​

-​ ​ប្រូតេអ៊ីន ០,២៧ ក្រាម​

-​ ​កាល់ស្យូម ១១,២៣ មី​លី​ក្រាម (១ ភាគរយ​)

-​ ​ជាតិ​ដែក ០,៣៧ មី​លី​ក្រាម (៣ ភាគរយ​)

-​ ​ប៉ូ​តា​ស្យូម ៤១,៩៦ មី​លី​ក្រាម (១ ភាគរយ​)

-​ ​សូ​ដ្យូ​ម ១៧,០១ មី​លី​ក្រាម (១ ភាគរយ​)

ខាងក្រោមនេះ គឺជាអត្ថប្រយោជន៍ ដែលមាននៅក្នុងទឹកអំពៅ៖

១. ទឹក​អំពៅ អាច​ជួយ​បញ្ចុះ​ទឹកនោម ដើម្បី​ព្យាបាល​ជំងឺ​ប្រព័ន្ធ​ទឹកនោម ជំងឺ​គ្រួស​ក្នុង​តម្រងនោម និង​បញ្ហា​តម្រងនោម​ជាដើម​។​

២. ទឹក​អំពៅ អាច​ជួយ​ពង្រឹង​សុខភាព​ថ្លើម​។

​

៣. ទឹក​អំពៅ គឺជា​ភេសជ្ជៈ​ប៉ូវ​កម្លាំង​ធម្មជាតិ ដែល​សំបូរ​ទៅ​ដោយ​កាបូ​អ៊ី​ដ្រាត ជាតិ​ដែក ប្រូតេអ៊ីន និង​ប៉ូ​តា​ស្យូម​។ ក្នុង​រដូវក្តៅ ការ​ញ៉ាំ​ទឹកអំពៅ​ត្រជាក់​មួយ​កែវ ពិតជា​អាច​ជួយ​ឲ្យ​អ្នក​មាន​កម្លាំង បង្គ្រប់​ជាតិ​ទឹក និង​មាន​អារម្មណ៍ល្អ​ជា​មិនខានឡើយ​។​

៤. ការសិក្សា​មួយ​ចំនួន​បានបង្ហាញ​ថា ទឹក​អំពៅ អាចជួយ​សម្រួល​ដល់​ការ​បន្ទោ​របង់ និង​ការពារ​ជំងឺ​ទល់លាមក​។​

៥. ទឹក​អំពៅ មាន​កម្រិត​ជាតិ​ស្ករ​ធម្មជាតិ​ទាប ដូច្នេះ សម្រាប់​អ្នកជំងឺ​ទឹកនោម​ផ្អែម​មួយចំនួន ពួកគេ​អាច​ញ៉ាំ​វា​បាន​។​

៦. ទឹក​អំពៅ ជួយ​ថែរក្សា​ធ្មេញ​ឲ្យមាន​សុខភាព​ល្អ និង​បំបាត់​ក្លិន​មាត់​។

៧. ធ្វើឲ្យមុខរបួសឆាប់ជាសះស្បើយ និងពង្រឹងប្រព័ន្ធការពាររាងកាយ៕